Ferðabæklingar Exodus

Langar þig að upplifa alvöru ævintýri og fara í ferðina sem þig hefur alltaf dreymt um? Þá ert þú á réttum stað!

Það er okkur sönn ánægja að kynna ferðaskrifstofuna Ultima Thule. Við höfum aðstoðað íslendinga við að komast í alvöru ævintýraferðir síðan 1995. Allt frá byrjun höfum við átt farsælt samstarf við bresku ferðaskrifstofuna Exodus en núna hafa fleiri fyrirtæki bæst í hópinn. Á þessari heimasíðu er hægt að finna allar ferðir Exodus, ásamt öllum ferðum Trek America og Grand American Tours. Fleiri spennandi fyrirtæki munu bætast við fljótlega.

Hægt er að velja úr fjölmörgum tegundum ferða svo sem gönguferðum, skoðunarferðum, hjólaferðum eða safaríferðum um allan heim.

Skoðunarferðir

Exodus bíður upp á fjölbreitt úrval ferða svo sem menningarferðir og dýralífsskoðunarferðir. Má þar nefna tígrísdýrskoðun á Indlandi, ævintýraferð á fílsbaki í Chitwan, ógleymanlegt ævintýri með Orangútanöpum á Borneo ásamt spennandi ferðum til Nepal og Malasíu. Einnig getur þú farið í bátsferð um Galapagos- eyjarnar og skoðað þar fjölda sjaldgæfra dýra sem mörg hver eru í útrýmingarhættu.

Gönguferðir

Exodus hefur verið leiðandi fyrirtæki í gönguferðum um allan heim síðastliðin 35 ár. Hjá fyrirtækinu er boðið upp á yfir 150 mismunandi gönguferðir við allra hæfi. Hvort sem þú vilt fara í létta eða erfiða gönguferð, langa eða stutta þá finnur þú hana hér. Sem dæmi má nefna gönguferð á slóðir Inkanna í Perú, klifur á Kilimanjaro eða afslappaða gönguferð á Ítalíu.

Hjólaferðir um allan heim

Hjólaferðir njóta vaxandi vinsælda um allan heim og æ fleiri kjósa að ferðast um á hjóli. Hvort sem það er afslöppuð hjólaferð í Frakklandi þar sem hjólað er á eigin vegum á milli hótela eða erfið fjallahjólaferð í Himalajafjöllum þá finnur þú hjólaferðina hjá Exodus.

Frá árinu 1994 hefur Exodus boðið upp á hjólaferðir um allan heim. Í dag býður fyrirtækið upp á u.þ.b. 50 mismunandi hjólaferðir í öllum erfiðleikastigum. Exodus býður einnig hjól til leigu á vægu verði í öllum hjólaferðum. Þú ættir að finna hjólaferðina sem hentar þér hér á heimasíðunni okkar.